Rede Meta Janssen-Kucz: Antrag (alle Fraktionen) zur Förderung von Niederdeutsch und Saterfriesisch

- Es gilt das gesprochene Wort -

Leev Vörsitter, leev Lü!

De nedersasske Landdag will vandaag en Andrag van de veer Fraktionen van CDU, SPD, Grüne un FDP besloten.

De Politik will dat Nederdüütsche un dat Saterfreeske, aber ok anner Minderheitenspraaken wieder stönen un vöranbrengen.

So hebb wi in deese saak immer tosommen an een Tau trukken. Un dat is un weer goud.

Mit an de Tau hebt drukken, de Heimatbund mit her Geschäftsföhrerin Dr. Julia Schulte to Bühne un all her Mitstrieders in Neddersassen.

Dortau hören aber ok uns Landskuppen, allen vorän de Ostfreeske Landskup mit her Plattdüsk Büro.

Un all de Minsken in Kinnertuun, Skoolen und in völ Inrichten als Krankenhuus und in de Pfleg…för de dat normal is, in her Herkunftsspraak mit de Minsken to proten.

Un vaandag setten wi dat tosomen fort - Stapke för Stapke, so kommt wi vöran un holen de Minnerheitenspraak an leben.

Un wat mi noch mehr an Harten liech, wi maaken Lüst up mehr Spraak, up Plattdüsk un dat ok för junge Minsken.

Off dat PLATTart und Plattsouds, Rock up Platt sünd, all dat mokt de Minsken Freid! Un kummt an.

Anrede

Mit uns Andrag willen wi, dat Nederdüütsch in de Sekundarberiek I un II an utsöcht Scholen as en egen Spraakfack, dat ok för Prüfungen van Bedüden is, mögelk maakt word.

Dat kann man nich eenfach so beschloten!  Dorför mut wi vörher de Mesterut- un Wiederbilden beter vöranbrocht worden. Dad bringen wi ok up Pad!

Ohn de Schoolmesters word dat nämlich nix, denn se muten dat ja unner de Kinners bringen.

Anrede

Uns geiht dat vor allem daarum de Mehrsprakigkeit vöran to brengen. Dat ist good für de Bildungsupdrag und dat help uns banig bi de soziale Kompetenz von jung Lü!

De Stöön van Regional- und Minderheitenspraaken as Platt,  Saterfreesk un Romanes ist daarum von Belang und mut un liech uns all an Harten!

Anrede

Un dat gelt nettso för de Mögellheid, Minsken, de towannert of flücht sünd, in hör egen Spraak to unnerrichen. Modderspraak is wat ganz besünners för eeke Minsk!

Anrede

Besten Dank noch an de Mitarbeiters in de Ministerien, besten Dank an all in de Politik de dorbi mithulpen hebt, jede an sien Stee.

 

Zurück zum Pressearchiv